Pakkio' Bunting, Budaya Makassar Yang Semakin Terasing

Iya dende'... iya dende'...
nia tojemmi daeng bunting
bunting salloa nitayang
salloa niminasai
kukanroa ri nabbiya kupalaka ri batarayya...

Nampaki riujung boritta daeng bunting ri cappa parallakkengku
naku kella kellaki guru kukellainta sunggu ri kaisilangnganga.

Naruppaiki jama’ daeng bunting nabuntuliki’ agama
naku erang maki antama’ ri dallekanna tuka ballakku
nianrongia kayu bang
nicoccorangia kama’
nibaringanga doangang patampulo.

Naku panai’ tommaki poeng daeng bunting
ri paladang fatehaya
ni rinring pangngompo’
ni dego dego rokko’
nijajariya samiallah.

Naku paonjo’ tommaki pole daeng bunting
dasere’ nijaling sujju’
nialanroi empo tahiya’
naku sungkeang tommaki pole daeng bunting
pakkebbu’ nibarisallang.

Naki tulusu’mo nai mammempo daeng bunting
nammempo tommo pole daeng bunting
anak guru mangngajita
na’lonjo’ sulengkamo pole daeng bunting
anak guru sarapatta.

Sallo salloki ammempo daeng bunting
nia’ tommi daeng ngimang
niwakkelanga appa’nikka
ana’ ana’na tumakkayya
cucunna tu madinaya
tau lannyinga ri junnu’ tangkasaka ri satinja
tau assayya gau’na nitarimaya pappala’na.

Jari nakanamo sabbina kalabini malabbiritta daeng bunting
lani nikkamaki’ anne daeng bunting
ri dallekanna adaka
tumannappukia ada’ gallarrang tumabbicaranta.
Jari lebbakki’ ninikka daeng bunting
nierang maki’ antama’
ampabattui nikkata
ri bili’ kaisilangnganga
ri kasoro’ isilang
ri pa’lungang sunduseng
ri tappere’ waistabaraking
ri timbao mata bulang pakkalli’ mata bintoeng.

Tappa kicini’mamo ilalang daeng bunting
baine anrong anatta
kalabini malabbiritta
sangkontu sanrapang mami iya daeng bunting
anak bidadariya naroko’ pakeang nalimpo passarimanang.

Appalampa kelommami bunting baineya nakana kelonna..
oh daeng sungguma’ anne ri itungku
te’nemi pa’maikku kugappa tommi lebanga ri minasangku..
Nakana pole kelonna bainea…
oh daeng sikatutuiki’ tope kisipakainga’ mole mole
tenamo anne parekanna maloloa..

Nakana tossing kelonna bunting bura’nea..
oh andi’ bulaennako atingku
intannako pa’maikku
belo belonako nyawaku
parammatanako matangku
manna batara andi’ malla’ ngaseng mallaggasi..

Nakana pole bunting bura’nea..
bosi timurung dinging
palate la’lakanna sunniaya gau’ ri Ali pangngssengang ri Fatimah.
Naki kanang tommo pole daeng bunting
nikka bateng ma’nassana katojenganta nikanaya isilam.

Kitinro sampappa’mamo sallang daeng bunting
naki sorong lima gadutta ri kananna
ti’ring dada naki buang ribarambang pa’nakkukanta sossoranta ri nabbiya.
Antemami kamma daeng bunting
katurungang nampa nisanda’ labangang
nampa niolo ka tujui nabbi kipare’ oloang..

Natamparang pepe’mamo sallang daeng bunting
na biseang taibani sombala’ kapasa’mamo sallang daeng bunting
nasannampi bombang nataena kaeke’na linopi anging nataena galluru’na.
Na kacinikang tommo sallang daeng bunting
kassi’ kebo’na madinah namammumba tommo sallang daeng bunting takamangngalialia.
Kimabborong borong sarre daeng bunting
ki ma’mana’ unti jawa
sembang katupa’
boliki lappa’ lappatta pinruang tujuh pintallung tassalapangngi patampulosse’re.
Nipa’lamungang tommaki’ sallang daeng bunting
unti te’ne ri dallekang ballatta'
kimanai’ kimanaung namate’ne pa’maitta ikatte sipammanakang.
Bunting nai’maki’ mae ri balla’na matoanta
matoang tuna ipara’ kamase-mase….

Syair Pakkio bunting ini memiliki beberapa versi, tetapi secara garis besarnya memiliki persamaan Makna. Syair Pakkio' Bunting ini juga telah dijadikan sebuah lagu yang di Nyanyikan oleh penyanyi Daerah Sulawesi Selatan, Iwan Tompo yang berjudul "Bunting Berua". lazimnya syair Pakkio' Bunting ini di ucapkan oleh pihak mempelai perempuan pada saat rombongan mempelai Pria telah tiba dilokasi pernikahan. namun sayang, eksistensi Budaya ini mulai terancam seiring dengan sikap Apatis yang diperlihatkan oleh Orang Makassar terhadap Warisan Budaya leluhurnya.

Artikel Terkait:

by Facebook Comment